Igande honetan eta hurrengoan, irailak 6 eta 13, jokatuko da Donostian 2015eko Kontxako bandera. Estropadak direla eta, Donostiara joateko autobus zerbitzua indartuko dutela iragarri du La Guipuzcoanak. Horrela, ohiko zerbitzuez gain beste bat egongo da goizez hiribururantz, Azkoititik 09:55ean abiatuta.
Neguko ordutegia eta aldaketak
Joan den asteartetik, irailak 1, neguko ordutegia berreskuratu dute bailarako autobus linea guztiek.
Ordutegi horietan, ordea, bad zenbait aldaketa, uda aurrekoekin alderatuta. Azpeitiari dagokionez,UK04 Beizama-Azpeitia linean Azpeititik 12:20an irteten zen bidaia 12:45ean irtengo da aurrerantzean. Hortaz, itzulerakoa 13:20an abiatuko da Santutxotik.