Irailerako zazpi eguneko bidaia antolatzen ari dira Azpeitiko eta Zestoako jubilatuen elkarteak. Irailaren 14tik 20ra, Katalunia aldean ibiliko dira, besteak beste Altafulla eta Ebroren delta bisitatuz.
Bi elkarteetako bazkideei zuzendutako irteera da, baina bazkide ez direnek ere badute parte hartzeko aukera. Azpeitiarrek Baigeran eman behar dute izena eta horretarako epea datorren astelehenean, uztailak 6, zabalduko da. Beti bezala, interesa dutenek bulego orduetan joan behar dute Baigeraren egoitzara, 10:30etik 12:30era. Santioak baino lehen eman beharko da izena, abuztuan Baigera itxira egongo baita.