Goizeko txupinazoarekin hasiko dira bihar, zapatua, Aratzerrekako San Isidro jaiak. Ondoren, mendi ibilaldia egingo dute. Izazpi, Pagotxeta eta Samiño zeharkatu, eta haragi egosia eta salda izango dituzte bueltan. 17:00etan emakumeen pala txapelketako partidak jokatuko dituzte, eta poteoa egingo dute auzoan 19:30ean.
Iluntzean, afaria egingo dute tabernan, eta Hitzeder eta Lidia trikitilariek jarriko dute musika. Goizaldean, baratzuri-zopa jango dute.
Aurtengo bigarren eta azken jai eguna San Isidro egunez ospatuko dute Aratzerrekan, maiatzaren 15ean.