Azterketa garaietan ohikoa bihurtu denez, Azpeitiko Udalaren eta Santutegiaren elkarlana bitarteko dela, Loiolako liburutegia ikasleen eskura jarriko dute datozen asteburuetan, datorren zapatutik hasita. Horrela, maiatzaren 9an hasi eta ekainaren 28a arte, asteburuetan liburutegiko ikasgelak azterketak-eta prestatu behar dituzten ikasleentzat bakarrik irekiko dituzte. Tarte horretan liburutegia ikerketarako edota liburuak eskatzeko baliatu nahi dutenek, astelehenetik ostiralera egin beharko dute.
Hurrengo zortzi asteburuetan Santutegiko liburutegian ikasi nahi dutenek derrigorrezkoa izango dute bertako karnetaren jabe izatea, eta liburutegiko sarreran dagokien zenbakia idaztea. Goizez 09:00etatik 13:00etara eta arratsaldez 15:30etik 19:00etara egongo da zabalik liburutegia zapatu eta igandeetan.