Azpeitiko Udalak jakinarazi duenez, langabe kopuruak behera egin du martxoan herrian. Jakinarazi dituten datuen arabera, martxoan %13,7 izan da Azpeitiko langabezia tasa eta, guztira, 1.007 azpeitiar daude langabezian. Urtarrileko datuekin alderatuta, %1,1 jaitsi da langabezia tasa, eta 52 langabetu gutxiago daude herrian.
Langabezia tasaren beherakada eskualde osoan nabaritzen dela adierazi du Etxeberriak. Izan ere, Azkoitiko tasa %13,8 da eta Zestoakoa, berriz, %13,6. Urola eskualdeko tasa %13,61 da, Gipuzkoakoa %13,4 eta Euskal Autonomia Erkidegokoa %16,1.
Eneko Etxeberria alkateak esan duenez, "Azpeitiko tasaren joera oso positiboa da, baina lanean jarraitu behar dugu, enpleguaren kalitateak kezka berezia sortzen digulako". Udalak jakinarazi du abian direla sustapen ekonomikorako diru-laguntzak, eta "aktibitate ekonomikoren bat martxan jarri nahi duen edonork" eskuratu ditzakeela esan du. Azpeitiko Udalak, Iraurgi Berritzenen bidez, 500.000 euro bideratu ditu sustapen ekonomikora.