Bertan Merkatarien Elkarteak ikastaroa antolatu du apirilaren 27rako, datuen babeserako legediaren inguruan. Merkatariek eta osasun arloko merkatari eta profesionalek bete beharreko legediaren inguruko ikastaroa: datuen babesa eta beste legediak da ikastaro horren izenburua.
Sindikatu Zaharrean izango dute hitzordua herriko merkatariek, 15:00etan. Ikastaroa doakoa da, baina parte hartu nahi dutenek derrigorrezkoa dute aurrez izena ematea. Apirilaren 20a dute izena emateko azken eguna, 943025673 edo 616708693 telefono zenbakietara deituta, edo bertan.azpeitia@gmail.com e-posta helbidera idatzita.