Azpeitiko Kultur Mahaiak, Uztarria Komunikazio Taldeak, Erlo Telebistak, Urola Kostako Hitza-k eta Sanagustin kulturguneak elkarlanean antolatzen duten Aho Bizarrik Gabe solasaldi zikloaren hitzordu berri izango da gaur, martxoak 10, Sanagustin kulturgunean. 19:00etatik aurrera, Gaizka Garitano Eibar futbol taldearen entrenatzailea izango da Ander Ugarte kazetariaren galderei erantzunez ariko dena.
Kulturgunera joaterik ez dutenek streaming bidez zuzenean jarraitu dezakete saioa www.sanagustinkulturgunea.net webgunean. Baita Twitterren ere, #ABG_Garitano traola jarraituz.