Pepa Bojo: "Emakumeek ere izan dezakete jarrera matxista"

Urola Kostako Hitza 2015ko urt. 23a, 12:14

Psikologoa eta terapeuta da Pepa Bojo (Valentzia, Herrialde Katalanak, 1962), eta genero indarkeria pairatu duten emakumeekin egiten du lan. Hark eskainiko du Jabetza Eskolen baitan, Mikromatxismoak identifikatu eta indargabetzeko estrategiak tailerra.

Zer da, zehazki, mikromatxismoa?

Gizonaren eta emakumearen arteko desberdintasunak islatzen dituzten jokabideak dira, baina oso normalizatuta egoten dira gizartean.Barneratuta eta onartuta ditugu. Batzuetan nahita eginikoak izaten dira, baina ez beti.

Kontuan hartu behar genituzkeen jarrerak normaltzat hartzen al ditugu?

Bai, eta hori landuko dugu tailerretan. Jarrera batzuk identifikatuta ditugu jada matxista bezala, baina beste askotaz ez gara ohartzen.Etxeko lanen banaketa, adibidez, mikromatxista izan daiteke askotan, ezarritako rol batzuei jarraitzen baitie. Gainera, kontuan hartu behar dugu emakumeek ere izan dezaketela jarrera matxista, ez da gizonen arazoa soilik, hori garrantzitsua da.

Elkarrizketa osorik Urola Kostako Hitza-ren webgunean.