Tomas Zubizarreta Zendoia soinu jotzaile azkoitiarraren inguruko biografia liburua idatzi du Laxaro Azkune azpeitiar kazetariak. Azkoitiarraren bizitzari buruz Euskal Herriko Trikitixa Elkarteak kaleratuko duen liburuaren aurkezpena igandean, San Andres egunez, egingo dute Azkoitiko udaletxeko areto nagusian, 12:00etan, eta omenaldia egingo diote bertan. Egun berezian egingo diote omenaldia, Zendoiak 84 urte beteko baititu egun horretan bertan.
Zendoia, pozaren mezularia biografia liburua elkartearen soinuaren liburutegiko hamargarren lana izango da.