Bihar, asteartea, izango da XIII. San Silbestre lasterketa, eta aurrez 670 lagunek eman dute izena. Jende ugarik emango dio urteari bukaera lasterka, eta lasterketa aurretik ere izena emateko aukera izango dute parte hartu nahi dutenek, 25 euroren trukean.
Abenduaren 31n 10:00etatik aurrera, goiz osoan zehar egingo dira maila ezberdinetako lasterketak. Proba nagusia, berriz, 12:00etan hasiko da, plazan. 6,4 kilometroko ibilbidea egin beharko dute parte hartzaileek. Xeye Atletismo Taldeak Urola Kostako Hitza-ren laguntzarekin eta Udalaren babesarekin antolatu du lasterketa.