2013ko saninazioetako programa Azpeitiko etxe gehientsuenetara iritsiko zen honezkero. Aurreko astearen azkenaldera hasi zen Udala aurtengo festetako ekitaldiak jasotzen dituen argitalpena etxez etxe banatzen. 30 orrialdeko liburuxkan, uztailaren 24tik aurrera Santio eta San Inazio festetan herrian ospatuko diren ekitaldi guztiak daude jasota, urtero legez, dozenaka argazkirekin hornituta.
Udako festetako egitaraua Internet bidez ikusi nahi dutenek, berriz, Uztarria.com-en badute horretarako aukera. Webgune honetan ere osorik ikus daiteke Udalaren argitalpena, PDF formatuan.