Gazteen Nazioarteko XXVI. Futbol Txapelketako lehen faseko partida batzuk Garmendipe futbol zelaian jokatuko dituzte. Txapelketan, Realak, Gipuzkoako konbinatuak, Portugalgo Sporting Clubak, Valenciak, Real Madridek eta Osasunak hartuko dute parte.
Azpeitian, A taldeko lehen faseko futbol partidak jokatuko dituzte, apirilaren 4an, 16:30ean hasita. Honako taldeak ariko dira Garmendipen: Portugalgo Sporting Club, Valencia eta Gipuzkoako konbinatua. Txapelketa apirilaren 4an eta 5ean jokatuko dute. Lehen faseko partidak, A taldekoek (Portugalgo Sporting Club, Valencia eta Gipuzkoako konbinatua) Azpeitian, eta B taldekoek (Real Madrid, Osasuna eta Reala) Bergarako Agorrosinen jokatuko dituzte. Azken faseko partidak, berriz, Zubietako futbol zelaian jokatuko dituzte, apirilaren 5ean.