Gaztetxetik antolatutako Futbito Txapelketa gaur, asteazkena, hasiko da

Urola Kostako Hitza 2009ko api. 1a, 12:04
Iazko futbito txapelketa.

Hogei futbol taldek parte hartuko dute

Futbol partidak astegunetan jokatuko dituzte, 19:00etatik 21:00etara bitartean, Betharrametan

Gaztetxetik antolatutako Futbito Txapelketa gaur hasiko da, 19:00etan, Betharrametan. Hogei futbol taldek parte hartuko dute txapelketan; beraz, 200 lagun inguruk. Futbol partidak astegunetan jokatuko dituzte, 19:00etatik 21:00etara bitartean, denak Betharrametan. Aurten, Gazte Astetik bananduta antolatu dute Futbito Txapelketa.

Gaur hasiko da Futbito Txapelketa Betharrametan. Aurten, Gazte Astetik aparte antolatu du Azpeitiko Gazte Asanbladak, "bestela, Gazte Astean futbitoak nagusitasuna hartzen zuela-eta aurten aparte antolatzea erabaki dugu. Futbito Txapelketa ekainaren hasieran bukatuko da, eta Gazte Astea maiatzaren 4tik 9ra antolatzeko asmoa dugu".