Ohi bezala, Uztarriak ere oporrak hartuko ditu abuztuan. Hala, uztarria.com webgunea ez da martxan egongo abuztuan, eta irailaren 1ean (astelehena) hasiko da lanean berriro; dena dela, blogariek abuztuan idazteko aukera izango dute, nahi badute. Uztarria herri aldizkaria, berriz, urriaren hasieran aterako da hurrena (azkeneko zenbakia orain atera dugu, festetarako, abuztukoa); erredakzioa irailaren 1ean hasiko da lanean.
Nahiz eta Uztarriak abuztuan jai izan, Azpeitian euskaraz soilik ematen den informazioak ez du etenik izango lehen bi asteetan, abuztuaren 10era arte hor izango baita asteartetik igandera bitartean Urola Kostako Hitza egunkaria (Uztarria sortzaileetakoa eta bazkideetakoa da). Saninazioen berri, adibidez, zabal emango du Hitza-k. Gero, opor batzuk hartu ondoren, irailaren 1ean itzuliko da. Interneten ere abuztuaren 10era arte izango da, edizio jarraitu eta guzti.