Diseinu berria eta hainbat aldaketarekin atera da gaurko (asteazkena) Urola Kostako Hitza egunkariaren zenbakia. Atzo egin zuten egunkari berrituaren aurkezpen ekitaldia Aitonen Ieko aretoan. Diseinua berritzearekin batera, egunkariak hainbat aldaketa izango dituela jakinarazi zuen Amaia Mendizbal, Urola Kostako Hitzaren zuzendariak atzoko agerraldian. Irakurlearengandik gertuago egoteko asmoarekin ekin dio bide berriari proiektuak.
"Azala eta mamia erabat eguneratu ditugu" azaldu zuen Mendizabalek. Hala ere, "mamia aldatzea irakurleei dagokiela" gaineratu zuen. Izan ere, webguneari askoz lotuagoa izango da eta irakurleek eta gizarte eragileek bidalitako argazkiek, iritziek eta albisteek lekua izango dute.
Jendearen erantzuna
Urola Kostako Hitzak egindako deialdi zabalari erantzun beroa eskaini zion jendeak atzoko ekitaldian. Aurkezpenaren ondoren, ekitaldira bildu ziren guztiek pintxo batzuk jateko aukera ere izan zuten Aitonenan bertan.
Informazio gehiago Urola Kostako Hitzan