Astebete darama Jabi Agirre azpeitiar presoak Poissyko (Frantzia) kartzelan. Abuztuaren 29an aldatu zuten Fresnesetik (Euskal Herritik 911 kilometrora) kartzela horretara. Poissyko kartzela Euskal Herritik 951 kilometrora dago.
Jabi Agirrek osasun arazoak ditu eta mediku asistentzia lortzeko hainbat protestaldi egin izan ditu kartzelan berak. Agirrek kartzela barruan protestaldiak egiteaz gain, bere lagunek Moulinseko kartzelara martxa ere egin zuten. Horretaz gain, Azpeitiko Udalak kartzela horretako zuzendaritzari gutun bat ere bidali zion Jabi Agirre herritarrarentzat mediku asistentzia eskatuz. Protestaldi horien ondorioz, Fresnesen medikuak ikustea lortu zuen eta gaur egun tratamendu bat jarraitzen du. Bere senideek adierazi dutenez "Jabi bera ere lasaiago dago" tratamendua jarraitzen duenetik.
Hona hemen Jabi Agirreren Helbide berria:
Jabi Agirre Odriozola
11341
Maison Centrale, 17 rue de l`Abbaye
-78303 POISSY
Beste azpeitiar presoak, deportatuak eta iheslaria:
-Juan Carlos Arruti Paterra (Puerto Santa Maria kartzelan daukate preso, Azpeititik 1.132 kilometrora. Espainia).
-Xabier Etxeberria Txapi (Mureten preso, 349 kilometrora. Frantzia).
-Joseba Segurola Xegu(Onsyn preso, 880 kilometrora. Frantzia).
-Gotzon Aranburu (Villenan preso, 760 kilometrora. Herrialde Katalanak).
-Jose Antonio Cau (La Santen preso, 1.000 kilometrora. Frantzia).
-Juan Manuel Bereziartua Pakea (Venezuelan daukate deportatuta).
-Maria Angeles Artola (Venezuelan deportatuta).
-Iñaki Etxarte (Kuban deportatuta).
-Iker Iparragirre (iheslaria).