Imanol Arregi Iturbide eta Kepa Arrizabalaga panderojoleak omenduko ditu EITBk trikiti jaialdian. Martxoaren 19an, San Jose egunean izango da arratsaldeko zazpietan hasita, kiroldegian.
Arregi Loiolan jaio zen Iturbide baserrian, 1935ean. Familiatik datorkio trikitiarekiko zaletasuna, eta panderoarekin hainbat plaza egin izan ditu; baita diskoa grabatu ere. Laja, Epelde, Enrike Zelaia, Auntxa, Martin, Zendoia, Zabale, Tapia eta beste hainbat izan ditu lagun trikitilariak. Arrizabalaga Zitzez soinulari handia zenaren semea da, eta plaza asko egin ditu horrek ere.
Jaialdian bi omenduen inguruko irudiak ikusteko aukera izango da. Horrez gain, dantzariak eta, nola ez, trikitilariak ere ikusi eta entzungo dira: Laja eta Landakanda, Epelde, Zabale eta Larrañaga, Astiazaran anaiak, Agurtzane eta Jon Elustondo, Edurne Iturbe eta Oihana Irastorza, Roberto Etxebarria eta Irungo Txorimaloak taldeak.
Iaz Esteban Larrañaga omendu zuten, eta elkarrizketa egin genion. Irakurri hark esandakoa