Urte berriarekin batera, ale berria argitaratu du Uztarria herri aldizkariak: 58.a. Oraingoan Espainiako Gerraren bi testigantza datoz: bat, Antonio Loinazek Miel Algel Elustondori emana, eta bestea, Paulina Bidasorok Ihintza Agirretxeri kontatua. Sei orrialdetan datoz, elkarrizketa moduan, eta garai bateko argazkiekin ilustratuta.
Urrian izan zuen istripuaren ondoren zer gorputzaldi geratu zaion kontatu zion Joseba Albizu ziklistak Enekoitz Esnaolari. Erreportai moduan jaso du Esnaolak, eta begirada aurrerako norabidean duela azpimarratu.
Euskara atalean, berriz, Inposizioaren kronika dator, erredakzioan egina.
Sansebastianetako berriak, Valladolideko (Espainia) Euskal Etxeko lehendakari azpeitiar Jesus Odriozolari elkarrizketa, iritzi artikulu sorta, eta beste hainbat kontu, daude aldizkarian, baina ez han bakarrik, hemen ere bai.