Inkomunikatuta egin dituen bost egunetan Guardia Zibilak hiru aldiz interrogatu duela esan digu Mikel Azkunek; behin, furgonetan; beste bitan, kalabozoan. "Azken bi egunak batik bat" egin zaizkio Mikeli luzeak, eta azkeneko gaua baldosa hotzaren gainean egin du. Atxilotu zutenean ba omen zekien Ardatz enpresagatik eraman zutela, baina ez zekien beste zenbat atxilotu zeuden, ezta zeintzuk ziren ere. "Ez naute jo, baina oso-oso esperientzia gogorra izan da".