Pirineotara irteera ugari egiten badituzte ere Lagun Onak MBkoek baina aurten Andaluziako mendietara joatea erabaki dute, "urrunago geratzen zaizkigun mendietara joateko ez dugu aukera gehiegirik izaten bidaiak berak ere denbora eta nekea baidakartza berarekin, baina aurtengo egutegia egiterakoan ilusio handiz prestatu genuen Sierra Nevadara egingo genuen irteera hau", diote Lagun Onakekoek. "Sierra Nevada ingurua ezezaguna zen ibilaldira gindoazen gehienontzat, eta horrek sortzen zigun zirrara berezia".
Sierra Nevadako mendikatean penintsulako kotarik garaienak daude, eta hiru mila metroak gainditzen dituzten mendi ugari daude bertan, baita Mulhacén bera ere. Hau penintsulako mendirik garaiena da, 3.479 metro ditu.
Sierra Nevada 1989an Parque Natural izendatua izan zen, 169.239 Ha ditu eta Almería eta Granada artean banatzen da. Izendapen honek inguruaren babesa eta zaintza ekarri zuen turismo eta aisialdirako leku moduan.
"Eguraldia nahi genuen bezala portatu ez bazitzaigun ere, ezin gara kexatu eta genituen asmo gehienak bete genituen. Horrela Mulhacén (3.479 m), Loma Pelada (3.185 m) eta La Veleta (3.396 m) gailurrak igotzea lortu genuen", diote mendizaleek. "Oporrak bukatu ondoren berriro datorren urterako ilusioak pistu zaizkigu, beti ere mendi eta inguru berriak ezagutuz baina, etxekoak ere ahaztu gabe Kakuteko, Txalintxoko eta Xoxoteko egunak laster baititugu eta egun horietarako gonbidapena luzatzen zaizue elkartearen izenean".